Deg Deg:Wasiir Kamid ah Puntland Oo yidhi’Deni Dulqaadka Zero Ayuu Ka yahay”

Wasiirka Warfaafinta maamulka Puntland Cali Sabarey ayaa sheegay in madaxweynaha Puntland Saciid C/llaahi Deni uu ka dhammaaday dulqaadkii uu u hayay saxaafada.

”Madaxweynuhu wuxuu zero ka yahay inuu xamilo qaladka warbaahinta aaminsan yahay in saxaafada Puntland lasoo dhex galay oo loo adeegsanayo dagaal lagu soo qaaday jiritaanka Puntland” ayuu yiri Wasiirka warfaafinta Puntland.

Maamulka Puntland ayaa ka carooday maalmo ka hor muuqaalo arday reer Boosaaso ah oo dalbanayay inay helaan shahaadada dowladda Soomaaliya bixiso, iyadoo intaa kadib Puntland ay cadaadis ku saartay maamulka dugsiga ay ardaydaas ka tirsanayeen in loo yeero iyaga iyo waalidkood laguna cadaadiyo inay raalli galin ka bixiyaan muuqaalkii horey saxaafadu ka duubtay.

Guddoomiyihii hore ee barlamaanka Puntland, Cabdixakiin Dhoobo ayaa horey madaxweyne Deni ugu dhaleeceeyay inaanu lahayn dulqaad uu Puntland ku gaarsiin karo nidamka dimuqraadiyada iyo furfurnaanta, uuna u dhaqmayo sidee keligii taliye oo kale.

 48 total views,  1 views today