DAAWO::Taliyaha Ciidanka Dhulka oo ka Hadlay Qaraxii Gaalkacayo,

Taliyaha ciidanka Dhulka ee Xoogga Soomaaliyeed, General Cabdixamiid Maxamed Dirir oo la hadlay warbaahinta ayaa faah faahiyey qaraxii ismiidaaminta ahaa ee xalay ka dhacay afaafka hoteel uu ka daganaa magaalada Gaalkacyo ee gobolka Mudug.

HALKAN KA DAAWO VIDEO

Dirir ayaa sheegay in qaraxa lagu weeraray kolonyo gaadiid ah oo uu isagu la socday balse uu ka badbaaday.

Taliyaha ayaa sidoo kale xaqiijiyey in ugu yaraan 6 askari oo ka mid ah ilaaladiisa ay ku dhaawacmeen weerarkaasi, sidoo kalena ay jirto waxyeelo soo gaartay dad rayid ah.

Dhinaca kale ilo madax banaan oo ay la hadashay shabakadda Khaatumonews ayaa sheegay in qaraxaani ay ku dhinteen ku dhowaad 10 qof oo isugu jiray askar iyo dad shacab ahaa, sidoo kalena ay ku dhaawacmeen tiro kale oo intaasi ka badan.