Deg Deg Daawo:Dhoobo Daareed Oo Ka Baxay Garoowe.

Garoowe{ Khaatumonews }Waxaa magaalada Garowe ee caasimada Maamulka Puntland guud ahaanbaiskaga baxay gudoomiyihii Baarlamaanka Puntland C/xakiin Maxamed Axmed Dhoobo Daareed oo maalintii Khamiista ahayd ay xilka ka qaadeen xildhibaanada Baarlamaanka Puntland.

Dhoobo Daareed, ayaa kala baxay magaalada Garoowe ciidamo uu watay iyo gaadiidkiisii, waxaana uu gaadhay degmada Xingalool ee gobolka Sanaag oo uu ku sugan yahay Hada.

Inkastoo si dhab ah loo ogeyn ujeedka safarka Dhoobo ayaa waxa ay sheegayaan warar soo baxaya in uusan dib ugu soo noqon doonin Garowe halka kuwo kalena ay sheegayaan in waxgaradka, culimo awdiinta iyo siyaasiyiinta kasoo jeeda gobolka Sanaag uu shir uga furmi doono deegaano kamid ah gobolkaasi kaas oo ay kaga wada tashan doonaan ayaahooda mustaqbal iyo kan siyaasadeed ee Puntland.

Isku soowada duubo Maalintii shalay ahayd ayaa banaan baxyo xoogani waxa ay ka dhaceen deegaano kamid ah gobolka Sanaag, kuwaas oo lagaga soo hor jeeday xilka qaadista Dhoobo.