Deg Deg:Wadahadalkii Ka Socday Madaxtooyadda Puntland Oo Fashilmay,Iyo Dhoobo Daareed Qarka U Saaran In La Tuuro Ama u Iscasilo

Waxaa 24 saac ugu danbeeyay shir albaabada u xirnaa yeeshay madaxweynaha Puntland Saciid Deni iyo madaxweyne ku xigeenka Puntland Axmed Garaash. Kulanka madaxweyne ku xigeenka iyo madaxweynaha wuxuu salka ku hayey sidii loo dhex dhexaadin lahaa Guddoomiyaha Baarlamaanka iyo madaxweynaha.

Madaxweyne ku xigeenka Puntland Axmed Garaash ayaa isku dayey inuu isu geeyo oo dhex dhexaadiyo guddoomiyaha baarlamaanka Dhooba Dareed iyo madaxweyne Deni, balse waxaa ku gacan seeray oo diiday dhex dhexaadintaas madaxweyne Siciid Deni.

Madaxweyne Deni wuxuu u cadeeyey Axmed Garaash inuu wax wadahadal ah la gali doonin Guddoomiyaha Baarlamaanka Dhoobo Dareed, wuxuuna Deni wacad ku maray inta Golaha wakiilada u hoggaansaneyn amarkiisa oo Dhoobo Dareed meesha laga saarayo uusan wax wadahadal ah ka gali doonin awoodiisa xukun.

Khilaafka madaxweynaha iyo Guddoomiyaha Baarlamaanka Puntland ayaa salka ku haya in madaxweyne Deni sidii uu doonayey aanay ula shaqeyn Golaha Baarlamaanka oo ay siyaasado dibada ah ku shaqeynayaan golaha wakiilada Puntland, gaar ahaan Dhoobo Dareed iyo rag la socda sida uu yiri madaxweyne Deni.

Wuxuu madaxweyne Deni joojiyey Maanta shaqooyinkii Madaxtooyada muddo laba asbuuc ah wax qaabilaad ahna uusan sameyn doonin tan iyo inta uu ridayo guddoomiyaha golaha wakiilada Puntland Dhoobo Dareed oo sida uu sheegay Deni u hogaansami waayey, inuu guddoomiyaha la shaqeeyo madaxweyne Deni.

Madaxweyne Saciid Deni ayaa u sheegay Golihiisa Wasiirada iyo dadka shaqada ugu socda inuu hakiyey muddo laba asbuuc ah shaqooyinkii madaxtooyada, wuxuuna xusay Deni  inuu ridayo guddoomiye Dhoobo Dareed oo uu baarlamaanka Puntland ka dhigo mid hoos yimaada madaxweyne Deni.