War Deg Deg Ah:Ciidamada Ahlu Sunna Oo La Wareegay Inta Badan Dhuusamareeb

Ciidamo ka tirsan Maamulka Ahlusunna ayaa la wareegay Xarunta maamulka Dhuusamareeb ee Gobolka Galgaduud iyo Xarunta Booliska Dhuusamareeb ,

Xarumaha Ciidanka Ahlu Sunna la wareegen ayaa la qorsheynaayay in lagu wareejiyo ciidanka dowladda Federaalka Soomaaliya ee halkaas ku sugan.

Arintan ayaa sii kordhisay xiisada u dhexeysa labada dhinac ka dib markii Ahlu suna ay diiday guddiga doorashooyinka Galmudug ee dowladu magacowday, iyagoo ka barbar sameeyey guddi kale oo doorasho.

Sidoo kale Weerarkan ayaa ku soo beegmaya xili caawa weerar lagu qaaday Madaxa ugu Sareeya Ahlu Sunna ee Sheekh Shaakir

Loolanka u dhexeeya dowlada Somalia iyo ahlu suna ayaa laga dareemay magaalada Dhuusamreeb oo labada dhinac ay ka joogaan masuuliyiin iyo ciidamo hubeysan.

Shacabka Magaalada Dhuusamareeb ayaa ka walaacsan xiisada u dhexeysa labada dhinac, iyagoo ka cabsi qaba inuu dhexmaro isku dhac sababi kara khasaare aan la mahdin.