War Deg Deg Ah Daawo:Go’aan Halis Ku Ah Farmaajo Oo Ka Soo Baxay Barlamaanka Somalia,

Qaar ka mid ah Xildhibaanada Labada Gole ee Baarlamaanka Federaalka ayaa kulan ay maanta ku yeesheen Muqdisho ka soo saaray war saxaafadeed xaalada uu dalka marayo, iyagoo soo hadal qaaday qaar ka mid ah qodobada dastuurka oo ay ku eedeeyeen in Madaxda dowladdu ay baalmareen, taasoo ay ku tilmaameen khiyaano Qaran.

HALKAN KA DAAWO VIDEO

Sidoo kale waxay caddeeyeen in Madaxweynuhu dayacay mas’uuliyaddii waajibaadkii masiiriga ahaa ee loo doortay, sida Ilaalinta Dastuurka iyo shuruucda dalka.

War saxaafadeedka ayaa waxay ugu baaqeen dowladda Federaalka in si shuruud la’aan xayiraada looga qaado Jubbaland iyo in loo saaro guddi baaritaan ku sameeya waxyeelada bani’aadanimo ee ka dhalatay cunaqabateyn la saaray reer Jubbaland.

Dowladda Federaalka Soomaaliya ayaa xayiraad saartay maamulka Jubbaland gaar ahaan Garoonka diyaaradaha oo loo diiday iney ka degaan diyaaradaha halkaasi tagaya.