Deg Deg:Xasan Sheikh Oo Ka Digay Kala yaac iyo Xamar oo Sida Hargaysa Ka Tashata Midnimada Somaliya

Madaxweynihii hore ee Soomaaliya Xasan Sheekh Maxamuud ayaa ka hadlay tallaabooyinka dowladda Soomaaliya qaadeysay ee la xiriira awaamiirta dhanka maamulka Hawada.

Qoraal uu bartiisa Twitter-ka soo geliyay ayuu ku sheegay in Soomaaliya ay muddo 30 sano ah sugeysay inay gacanta ku dhigto maamulka Hawadeeda.

“Waa xaalad murugo leh in dowladdu u isticmaasho maareynta hawada sidii hub siyaasadeed oo saameyn culus ku yeelan kara xasilloonida siyaasadeed iyo midnimada dalka”ayuu yiri Xasan Sheekh Maxamuud.

Xasan Sheekh ayaa kula taliyay dowladda Federaalka inay labo jeer ka fikirto, kana laabato dariiqa hadda wax loo wado.

Hadalka Ex Madaxweyne Xasan Sheikh ayaa muujinaya in Awoodda Dawlada oo loo istcimaalo Cid gaar ah in ay keeni karto Midnimada oo Burburta iyo kala yaac Ka dhaca Dalka.