Daawo:Xaaf Oo Safar Aan Lashaacin Ku tegay Magaalada….

Madaxweynaha maamulka Galmudug Axmed Ducaale Geelle Xaaf ayaa maanta safar aan horey loo sii shaacin ku tagay magaalada Hobyo ee gobolka Mudug, halkaas uu ka socdo shirweyne ay leeyihiin beesha uu kasoo jeedo ee Habar Gidir.

Wafdiga uu hogaaminayay Madaxweyne Xaaf ayaa si heer sare ah loogu soo dhaweeyay magaalada Hobyo, waxa uuna Xaaf u mahad celiyay dhamaan dadkii kala duwanaa ee kasoo qeyb galay soo dhaweyntiisa.

Axmed Ducaale Geelle xaaf ayaa la filayaa in uu tago halka uu ka socdo shirka ay leeyihiin Beesha Habar Gidir kana jeediyo khudbad, waxa uuna qeyb ka noqonayaa Xaaf siyaasiyiinta Habar Gidir ee shirkaasi goobta uu ka socday tagay.

Safarkan ayaa noqonaya kii ugu horeeyay uu Madaxweyne Xaaf ku tago deegaanada Galmudug tan iyo markii uu shaaciyay in mas’uuliyadii maamulka ku wareejiyay Wasaaradda Arrimaha Gudaha iyo Federaalka oo wada howsha maamul dhisida Galmudug.

 37 total views,  1 views today