Deg Deg Daawo:Mudaharaad Lagu Taageeraayo Madaxweyne Axmed Madoobe Ka Dhacay Kismaayo,

Magaalada Kismaayo waxaa wali ka socda banaan baxyo waa weyn oo lagu taageerayo doorashadii maanta ka dhacday magaaladaasi oo Madaxweynaha maamulka Jubbaland loogu doortay Sheekh Axmed Madoobe.

Dadka banaan baxa dhigayay ayaa watay sawirada Madaxweynaha maamulka Jubbaland iyo sidoo kale calanka maamulka Jubbaland, waxa ayna dadkan ku dhawaaqayeen ereyo ay ku taageerayaan Sheekh Axmed Madoobe.

Magaalada Kismaayo ayaa sidoo kale laga maqlay rasaas loogu dabaal dagayay dib u doorashada Madaxweynaha Jubbaland, waxaana magaalada maanta dhax mushaaxayada dad u badan taageerayaasha Axmed Madoobe.

Dadka kasoo horjeeda siyaasada Sheekh Axmed Madoobe iyo dib u doorashadiisa ayaan awood u laheyn in ay banaanka usoo baxaan ayna muujiyaan dareenkooda , waxa ayna dadkaasi ka cabsi qabaan in la dhibaateeyo.