Deg Deg Daawo:Xasan Sheekh Oo U Jawaabay Madaxweyne Farmaajo

Madaxweynihii hore ee Soomaaliya Xasan Sheekh Maxamuud oo ka hadlay munaasabada daah furka Xisbiga Himilo Qaran ayaa weerar afka ah ku qaaday Dowlada Madaxweyne Farmaajo hogaamiyo.

HALKAN KA DAAWO VIDEO

Xasan Sheekh ayaa ka jawaabay hadal ku jiray khudbad uu dhowaan Madaxweyne i Farmaajo ka jeediyay xarunta degmada Wardhiigley ee magaalada Muqdisho, kaasoo ahaa iney gacan bir ah ku qabanayaan kooxaha amni darada ka shaqeynaya.

Waxa uu sheegay Xasan Sheekh  in dalkan ay heysato dhibaatadii laga dhaxlay keligii talis gacan bir ah ku soo qabtay, waana tan maanta 30 sano na dhigtay ayuu yiri fidnadii ka dhalatayna ay weli socota

Mar uu ka hadleyay xoriyadda hadalka iyo siyaasiyiinta mucaaradka ee dhaliila dowladda ayuu yiri: “Dadka waa hadlayaan, haddii laga hor istaagan si walboo ay ahaato waa isu tegayaan, haddii qaranka wax kasoo horjeedo laga hadlana qaran dumis in la yiraahdo waa af-qabasho iyo waxaan raali laga noqoneyn, dhaqan suubanna ma ahayn.

Hadalka Madaxweynihii hore ee Soomaaliya Xasan Sheekh Maxamuud ayaa kusoo aadaya xili Madaxweyne Farmaajo marar badan weerar afka ah ku qaaday Siyaasiyiinta dowladiisa Mucaaradka ku ah.