Deg Deg:Lix Wariye Oo Ushaqeeya Muuse Biixi Oo Lagu Haysto Arrin yaab leh?

Hargaysa{Khaatumonews}Lix wariye oo ka howl-gala warbaahinta ku hadasha afka Maamulka  Somaliland ayaa loo haystaa in ay Like, Comment iyo share ku sameeyeen qoraallo ay Somaliland dhibsatay.

Wariyeyaashan ayaa la sheegay in ay u yeedheen guddida anshax marinta wasaaradda warfaafinta maamulka Somaliland.

Kooxdan weriyeyaasha ayaa magacyadooda lagu sheegay: Cabdicasiis Maxamed Maydhax, Siciid Faarax Cagjar, Nuura Maxamed Nuur, Muna Ibraahim Dhakhtar, Nasiim Maxamed iyo Mubaarik Yuusuf Cabdi.

Dhammaan wariyayaashan waxaa ay ka hawl-galaan Radio Hargeysa, Wargeyska Dawan iyo TV-ga Somaliland.

Wariyeyaashan ayaa sugaya go’aanka ay ka qaadan doonto wasaaradda warfaafintu, iyadoo horey mushaharka looga jaray wariyeyaal kale oo iyagana lagu qabsaday arrimaha noocan oo kale ah.