Deg Deg:Galmudug Oo Bahdishay Wasiiro Farmaajo U Diray Colaada.

Cadaado{Khaatumonews} Wasiirka Arrimaha Gudaha Soomaaliya Cabdi Maxamed Sabriye iyo wafti uu hoggaaminayey oo gaaray degmada Galinsoor ee gobolka Galgaduud ayaa loo diiday in lagu wareejiyo ciidan Itoobiyaan oo ay soo qabteen malayshiyo beeleed.

Labo askari oo Itoobiyaan ah ayaa shalay galinkii dambe waxaa lagu wareejiyay waxgarad ka yimid dowladd deegaanka Soomaalida Itoobiya, waxaana maxaabiistaasi wareejiyay waxgarad ka socday degmada Galinsoor iyo wasiiro ka tirsan maamulka Galmudug.

Waftiga dowladda Soomaaliya ay u dirtay xalinta dhibaatada ka taagan deegaanka Kaxan Dhaale ayaa dib ugu soo laabtay degmada Cadaado ee gobolka Galgaduud.

Wararka qaar ayaa waxa ay sheegayaan in sidoo kale maanta ay deegaanka Kaxan Dhaale ay dhici doonto munaasabad ay garwadeen ka yihiin waxgaradka dowladd deegaanka Soomaalida oo lagu wareejinayo hub ay leedahay dowladda Itoobiya oo Galmudug lagu haystay.

Masuuliyiintii dowladda Soomaaliya ay u dirtay deegaanka Galinsoor ayaa ku guul daraystay in ay weli xal ka gaaraan labada dhinac, waxaana muuqata in waxgaradka labada beelood ay wadaan dadaalo lagu heshiisiinayo malayshiyaadkii dagaalamay.