Deg Deg:Guddoomiyaha Golaha Shacabka oo isbadal ku sameeyay Guddiga Maaliyada

Guddoomiyaha Golaha Shacabka ee Baarlamaanka Federaalka Maxamed Mursal Sheekh C/raxmaan ayaa dib u eegis iyo isbadal ku sameeyay Xubnaha Guddiga Maaliyada iyo Miisaaniyada Gollaha Shacabka.

Wareegto kasoo baxday Gudoomiyaha Golaha shacabka ayaa isbadal loogu sameeyay xubnaha guddiga Maaliyada gaar ahaan waxaa la badalay oo guddiga laga saaray xubno muhiim ahaa ay ku jiraan gudoonka guddigaasi.

Guddiga Maaliyadda iyo Miisaaniyada Golaha shacabka ayaa laga saaray Gudoomiyihii Guddiga, Guddoomiye kuxigeenka iyo Xoghayihii Guddiga, waxaana xubnahan lagu badalay kuwa cusub oo horey uga tirsanaa guddiyo kale.

Gudoomiyaha golaha shacabka ayaa isbadalkan uu ku sameeyay xubnaha guddiga Maaliyada iyo Miisaaniyada lagu soo waramayaa in ay ku timid cadaadis kaga yimid dhinaca Madaxtooyada oo ka dalbatay in guddiga isbadal ku sameeyo hadii uusan kala direyn.