Deg Deg:Cali Ciise Cabdi OO Usharaxan Doorashada Puntland

Garoowe{Khaatumonews}Waxaa jira xogo & hadal hayn Saxaafadda bulshadu qorayso kuwaasi oo ku saabsan in saacadaha soo socda uu shaacin doono inuu xilka Madaxweynaha Puntland u tartammi doono Dr Cali Ciise Cabdi oo ah dhaqaallayahan dunida magac weyn ku leh.

Khaatumonews oo kuur-gashay arrintan ayaa ilo lagu kalsoonyahay ay u xaqiijiyeen inay jirto oo Cali Ciise isku sharraxi doono xilka Madaxweynaha Puntland maalmaha inagu soo fool leh-na uu Garoowe soo gaadhi doono.

Dr. Cali Ciise Cabdi,” Waa maamulaha Machadka HESPI, waa dhaqaale yahan heysta PHD, waxaa uu 10 sanno ka soo shaqeeyey xillal sare-na uu ka soo qabtay hay’adda lacagta adduunka ee IMF, waxaa kale oo uu lataliye usoo noqday 30 dal oo Afrikaan ah.

Dr, Cali Ciise oo ka soo jeeda gobolka Sool ayaa dad badan u arkaan in uu yahay shaqsi miisaan weyn ku yeellan kara doorashada laba toddobaad ka dib qabsoomi doonta, waxaana haddii uu ku guulaysto xilka Madaxweynaha ay dad badan oo siyaasadda Puntland falan-qeeya ay tilmmaamayaan in horumar ku imaan doono dhaqaalaha,ammaanka iyo sugidda xuduudaha.

Cali Ciise oo aad uga soo horjeeda kala go’a Soomaaliya & joogitaanka maamulka Somaliland ee gobolka Sool ayaa wax ka asaasay Khaatumo 2012 tasoo hadafka uu wax uga asaasay ay ahayd midaynta bulshada SSC siyaasiyan & in Somaliland laga saaro Laascaanood & guud ahaan gobolka Sool, wuxuna ka gaabsaday qaddiyadan markii Dr, Cali Khaliif uu wada-hadallada la furay maamulkaas.

Tan iyo markii ay soo baxday xogta ah in Cali Ciise isku sharraxayo qabashada xilka Madaxweynaha Puntland waxaa jira tageero xooggan oo uu qaybaha bulshada Puntland ay u muujinayaan, iyagoo xusaya in maamulkan 20-jirsaday uu furi karo hadduu guulaysto bog cusub oo ah maamul wanaag,midnnimo, hufnnaan & isla xisaabtan.