Deg Deg Daawo Video:Cabdixakiim Camey Oo ka Hadlay Gudiga U Magacaabay iyo Khilaafka Isaga iyo Gaas.

Garoowe{Khaatumonews}Madaxweyne Kuxigeenka Puntland Eng. Cabdixakiin Cabdulaahi Xaaji Cumar Camey oo waraysi    kulul uga hadlay magacaabidii uu maanta Madaxweyne Gaas magaacaabay Guddiga Ansixinta iyo Xallinta Khilaafaadka Doorashada Puntland.

Halkan Ka Daawo Video

Camey ayaa sheegay in Gaas markii uu magacaabayey guddiga uusan wax waddatashi ah la samayn asaga oo ah Madaxweyne Kuxigeen Puntland, Hoggaanka Barlamaanka, waxgaradka Puntland, iyo waliba odayaasha dhaqanka. Arrinkaas ayuu Madaxweyne Kuxigeen Camay ku tilmaamay in uu yahay mid aan maanta Puntland looga dulqaadan karin.

 

Madaxweyne Camay ayaa ayaa sheegay in markii uu arkay la tashi la’aanta Madaxweyne Gaas uu asagu latashi la sameeyey musharrixiinta xilka madaxweyne ee Puntland iyo waliba odayaasha dhaqanka Puntland, uuna hadda magacaabay guddi sax ah oo loo dhanyahay.

 

“Tallaabada aan qaaday waa mid lagu qanci doono, balse tan Madaxweyne Gaas uu sameyeey ma aha mid lagu qanci karo,” ayuu yiri Camey.

 

Madaxweyne Kuxigeen Camey ayaa sheegay in khilaafkan uusan waxba u dhimi dooniin doorashada Puntland ee bisha Janaayo 2019, isla markaana uu rajaynayo in khilaaf oo dhan xal loo heli doono