War Deg Deg Ah:Masuul Puntland Ah Oo Weerar Lagu Qaaday Iyo Khasaaraha Ka Dhashay.

Xaaladda guud ee magaalada Boosaaso ayaa ah mid aad u degan waxaana ciidamada ammaanku ay howlgallo qorshaysan ka sameeyeen qaar kamid ah xaafadaha qaar kadib masuul lagu weeraray.

Siciid Cabdi muumin ka tirsan Gudiga sare ee Garsoorka Puntland isla markaan garsoore ka ah Maxkamada Sare ayaa dhaawac fudud ka soo gaaray weerar lagu qaaday xilli uu ku sugnaa gudaha magaalada Boosaaso.

Ilo xogagaal ah oo ku sugan Boosaaso ayaa xaqiijiyey in rag baastoolado ku hubaysan ay rasaas ku fureen masuulka isla markaana laba xabadood gacmaha ka haleeleen walow uu soo gaarey dhaawac fudud oo markiiba laga dabiibay.

Saraakiisha ammaanka Puntland gaar ahaan magaalada Boosaaso oo aan xiriir la samaynay ayeysan inoo suuragelin inaan ka helno xogo dheeraad ah oo la xiriira haddii ay qabteen raggii ka dambeeyey falkaasi ama ay aqoon sadeen