War Deg Deg Ah Daawo Video:Isimadii Dhulbahante Oo Laga Reebay Ergadii Daarood Ee Jigjiga .

Laascaanood{Khaatumonews}Xili maalmihii ugu dambeeyey ay ka socdeen deegaanka Dhumay ee gobolka Sool dadaalo nabadeed oo ay wado dowladd deegaanka Soomaalida Ethiopia kuwaas oo salka ku haya sidii nabad loo kala dhex dhigi lahaa beelihii kuwada dagaalamay deegaankaasi isla markaasna la qorsheeyey in magaalada JigJiga la iskugu eego dhinacyada dirirtu dhex martay xubno matalaya ayaa waxaa maanta ka amba baxay deegaanka Saax Dheer ee gobolka Sool oo dhaca xuduuda dalalka Soomaaliya iyo Ethiopia ergooyinkii ugu badnaa kuwaas oo ujeedkoodu uu yahay ka qayb galka shirka JigJiga ee nabad lagu kala dhex dhigayo beelihii kuwada dagaalamay deegaanka Dhumay ee gobolka Sool

Halkan Ka Daawo Video

C/raxmaan Maxamuud Guure oo kamid ah waxgaradka gobolka Sool oo waraysi siiyey Khaatumonews.com ayaa sheegay in ay ka amba baxeen deegaankaasi qaar kamid ah isimaddii iyo ergooyinkii nabada ka dhex waday beelahaasi, waxaana uu sheegay in shirka ka furmi doona magaalada JigJiga ay dibad joog ka ahaan doonaan amaba aysan ka qayb gali doonin isimadda dhaqanka deegaanada Sool, Sanaag iyo Cayn kadib markii ay ku fashilmeen marar badan dhex dhexaadinta labadaasi Beelood