Deg Deg Daawo Video:Labo Wiil U Dhalay Saxafigii La Dilay Ee Jamal Oo La Hadlay Warbaahinta,

Qaar kamid ah caruurta uu dhalay suxufigii la dilay ee Jamal Khashoggi ayaa codsaday in lagu soo wareejiyo meydka aabahood si ay u aastaan, suxufigaasi lagu dhex dilay Qunsuliyada Sacuudiga ku leeyahay Istanbuul ayaa xiliga dilkiisa dhacay kasoo wareegtay muddo bil ah iyadoo aan weli la hayn meydkiisa.

Halkan Ka Daawo Video

Labada wiil ee uu dhalay Marxuum Khashoggi oo lagu Salax iyo Cabdullahi ayaa wareysi ay siiyeen telefishinka CNN ku sheegay in ay weli rajo ka qabaan in dowlada Sacuudiga ay kusoo wareejiso meydka aabahood, iyagoo sheegay inay doonayaan inay ku aasaan qabuuraha magaaladii uu ku dhashay ee Madina.

 

Salax Khashoggi oo dhawaan loo ogolaaday inuu kasoo dhoofo magaalada Riyadh ayaa sheegay inuu weli rajo ka qabo in Boqorka Dalkaasi ee Salmaan uu sameyn doono waxa ay fareyso shareecada islaamka iyo in uu maxkamad soo taagi doono dadkii ku lug lahaa dilkaasi.

 

Waxay wiilashan sidoo kale beeniyeen dacaayada ay wadaan taageerayaasha Xukuumada Sacuudiga oo ku sheegay Jamal Khashoggi inuu ahaa xubin ka tirsan dhaq dhaqaaqa Ikhwaan Muslimiinka, iyagoo sheegay inuu ahaa nin suxufi ah oo dhex dhexaad ah.