dahabshiil

Xildhibaan Kashifay Isbedelka Go’aanka Madaxweynaha ee Arinta Qalbi Dhagax

Cabdikariim Muuse Qalbi-dhagax waxa uu ahaa sargaal ka tirsan ururka ONLF ee ka dagaalama waddanka Itoobiya, waxa uu ku taami jiray, sida la sheegay, in ciidamada Itoobiya uu ka xoreeyo dhulka Soomaaliya.

 

Balse ma uusan noqon hamigiisii mid suuro-galay, waxa uu safar ku tegay magaalada Gaalkacyo 23 Agoosto ee sannadkii la soo dhaafay, halkaasi oo ay ka qabteen ciidamada Nabad-sugidda Qaranka, ka dibna waxa ay u soo gudbiyeen magaalada Muqdisho.

 

Maalmo yar ka dib, 27 Agoosto ayey mugdi gashay rajadii Cabdikariim Muuse Qalb-dhax iyo qoysaskiisa, waxaana ka gilgishay dhiibistiisa shacabka Soomaaliyeed.

 

Xukuumadda Soomaaliya oo mar danbe ka hadashay arrintan ayaa ku tilmaantay in dhiibista Qalbi-dhagax ay ahayd sifo sharci ah, uuna ka tirsanaa urur argagaxiso ah, arrintaasi waxa ay mar kale gilgishey dareenka shacabka Soomaaliyeed.

 

Baarlamaanka Soomaaliya oo ka hadlay dhiibista Qalbi-dhagax ayaa waxa uu sheegay in ay qalad aheyd dhiibistiisa, dhinacyo kala duwan ayaana lagu eedeeyay dhiibista Qalbi-dhagax waxaana arrintan aan isku mowqif ka ahayn madaxda sare ee dowladda.

 

Madaxweynaha Soomaaliya ayaa sheegay in uu taageersan yahay go’aanka baarlamaanka Soomaaliya ay ka qaateen arrinta Qalbi-dhagax.

 

Kala aragti duwanaashaha xafiisyada dowladda ayaa mar kale mugdi galin kara arinkani, Carafaad Cali Axmed ayaa ka warramay waxa uu arrintan sharcigu ka qabo “Sharcigu waa cad yahay, qof muwaadin ah ma bannaana in lagu wareejiyo gacan shisheeye, waa qofku marka uu yahay muwaadin”.

 

Marka dhinaca kale laga eego shacabka Soomaaliyeed waxaa sii kiciyey waddanka Itoobiya oo aan xiriir wanaagsan kala dhexayn Soomaaliya dagaallo bandanna ay soo dhex mareen.

 

Itoobiya waxa lagu sheegaa in ay tahay wadamo badan oo aan jecleysan horumarka Soomaaliya sida uu sharaxayo Sakariye Xaaji Maxamuud oo ka tirsan baarlamaanka Soomaaliya.

 

“Dhibaatooyin badan oo shan boqol oo sano soo socday oo mar walba lagu sameynayay dadka Soomaaliyeed ayaa jira, waa nasiib darro in aynan aqrin taariikhda, Itoobiya qarannimada Soomaaliya marna raali kama aheyn”

 

Xildhibaan Sakariye ayaa sheegay in madaxweyne Farmaajo uu ku mahadsan yahay in uu taageero go’aankii baarlamaanka Soomaaliya oo ay ku sheegeen in dhiibistiisu aheyd mid aan sharci aheyn.

Loading...

Hoose Ku Qor Fikradada ( 0)




DAAWO;-Wariye Reer Hargaysa Oo Banaanka Keenay fashilkii Karaacay Somaliland Arinta Imaraadka Iyo DP WORD Xog Halis ah
- Apr 21, 2018
Wariye Reer hargaysa Oo banaanka Keenay Xogdhaba Oo Kusaabsan heshiiska maleeshiyaadka Somaliland Iyo imaraadka ...
Daawo Video: RW Kuxigeenka Dalka “Nidaamka federaalka waa In Wada Xaajood Laga Galaa,,,,,,.
- Apr 21, 2018
RW Kuxigeenka Dalka Mahdi Maxamed Guuleed ayaa yiri Nidaamka federaalka waa in wada xaajood ...
Tima Jare Xabsi U Galay Wiil Yar Uu Tinta Si xun uga xiiray !!!
- Apr 21, 2018
Maxkamad ku taalla dalka UK, ayaa xukun xabsi sidddeed bilood ah ku riday nin ...
Madaxweyne Farmaajo oo warqadaha danjirenimo ka guddoomay Safiirka Dawlada Qadar
- Apr 21, 2018
Dowladda Qadar ayaa danjire cusub u soo magacowday Soomaaliya waxaana safiirka cusub maanta warqadaha ...
Daawo: Maxay tahay Sharuudaha Looga Baahan yahay Musharaxa Guddoomiyaha Golaha shacabka?
- Apr 21, 2018
Xildhibaanada Golaha Shacabka ayaa loo qeybiyay 15 Xubnood oo loogu tala galay in ay ...