dahabshiil

War Deg Deg:20 Qof Oo Ku Dhintay Qarax Ka Dhacay Shabeellaha Hoose

Golweyn{khaatumonews}Ugu yaraan labaatan ruux oo haween u badan ayaa ku naf weysay qarax miino oo gaari caasi ah ku haleelay degaanka Golweyn ee gobolka Sh/hoose galabnimadii maanta.

Sida ay sheegayaan wararka na soo gaaraya Gaarigan caasiga ah ayaa ka yimid degaanka Buulo mareer isagoo ku sii jeeday magaalada Marko ee xarunta gobolka Sh/hoose.

Dadka dhintay oo ahaa dhamaan dadkii la socday gaariga marka laga reebo darawalka ayaa u badnaa ganacsato maallin kasta oo khamiis ah ganacsi xoogan ka sameeya suuqa degaanka Buulo Mareer kuwaasoo ka kala yimaada degaano ka tirsan degmooyinka gobolka Sh/hoose.

Dadka qaarkood oo dhaawac ahaa ayaa la sheegay iney degaanka Golweyn ugu dhinteen dhiig-bax iyo gurmad la’aan, ka dib markii la waayey gaadiidsi deg deg ah u gaarsiiya goobaha Caafimaadka.

Qaraxan oo ka dhashay miino wadada lagu aasay oo gaariga caasiga ah uu dulmaray ayaa sidoo kale burbur aad u xoogan u geystay gaariga, kaasoo qeybo ka mid ah gubtay sida dad halkaas ku sugan ay ku soo waramayaan